Flowers Name In Marathi | List And Details With Photo In Marathi

Hello Friends, आज आपण व्यवसाय मार्गदर्शन या ब्लॉग  वरती आहात या ठिकाणी आपण विविध फ्लावरची Flowers Name In Marathi, Flowers name In Hindi अणि Flowers Name In Hindi And English मधे माहिती पाहणार आहोत। बेरोजगार युवकांसाठ फुलांची शेती है व्यवसाय खुप फायदे मंद आहे , तुमच्याकडे थोडी जरी शेती असेल तरी हा व्यवसाय तुम्ही चांगल्या पद्धतीने करून आपली उपजीविका भागू शकता। फुलांचा व्यवसाय आणि बाजारपेठ या संदर्भामध्ये सर्व माहिती आपण या ब्लॉगच्या माध्यमातून पुढे तुमच्यापर्यंत पोहोचणार आहोत। तरी सर्वांनी जर माहिती आवडली तर इतरांना शेअर नक्की करावे।

युरोपियन देशांमध्ये नोव्हेंबर ते मार्च या कालावधीत बाहेरील तापमान उणे तीस अंश सेल्सिअस इतके असते. याकाळात फुलांची गरज भागवण्यासाठी युरोपियन देश उष्ण कटिबंधातील देशांमधून फुलांची आयात करतात. कारण उष्ण कटिबंधातील देशात हरितगृहे गरम करण्याची गरज भासत नाही. शिवाय मजूर, पाणी यांचा खर्च कमी असल्याने दरवर्षी हरितगृहातील प्रति चौरस मीटर जागेतून जादा पैसे मिळू शकतात. मात्र उघड्या शेतात फुलांचे उत्पादन किंवा पीक घेतल्यास फुलांना निर्यातीचा दर्जा प्राप्त होत नाही. त्यामुळे आंतरराष्ट्रीय बाजारात निर्यात होणाऱ्या बहुतेक सर्व फुलांचे उत्पादन हे हरितगृहातच घेतले जाते. म्हणूनच फुलांची आंतरराष्ट्रीय बाजारात निर्यात करुन मोठ्या प्रमाणात परकीय चलन मिळवण्याच्यादृष्टीने हरितगृहाच्या मदतीने फुलांचे उत्पादन घेणे फायदेशीर ठरते.

Flowers Name In Marathi, Hindi And English

Flowers name in Marathi	Flowers name in Hindi	Flowers name in English
रातराणी	रात की रानी	Night cestrum
चाफा	चम्पा	Annona Hexapetala
शेवंती	शेवंती	Chrysanthemums
तगर	चांदनी	Crape Jasmine or Pinwheel
जुई	जुई	Common Jasmine
जाई	चमेली	Jasmin
कमल	कमल	lotus
निशिगंध	निशिगंध	tuberose
कुंदा	कुंदा	Jasmine

Flowers name in Marathi	Flowers name in Hindi	Flowers name in English
गुलाब	गुलाब	rose
जास्वंद	गुडहल	hibiscus
चंपा	चम्पा	magnolia
मोगरा	मोगरा	Jasminum sambac
झेंडू	गेंदा	Marigold
गुलेतुरा	गुलमोहर	Royal poinciana
सोनचाफा	सोनचाफा	Michelia Champa
धोतरा	सफेद धतूरा	Datura
सदाफुली	सदाबहार	Periwinkle

flowers name in Hindi and English

Flowers Name in Marathi with Details some Flowers With Photo

 १) ग्लॅडिओलस :

ग्लॅडिओलस ही अकाष्ठिल प्रकारातील झुडूपवजा वनस्पती असून त्याचे शास्त्रीय नाव ग्लॅडिओलस ग्रँडीफ्लोरस् (Gladiolus grandifloras) असे आहे. ही इरिडिएसी कुळातील कंदवर्गीय वनस्पती आहे. लॅटिन भाषेत ग्लॅडिअस याचा अर्थ तलवार असा होतो. या फुलझाडाची पाने तलवारीच्या पात्याप्रमाणे असल्यामुळे या पिकाचे नाव ग्लॅडिओलस असे पडले. मूळचे दक्षिण अफ्रिकेतील हे कंदवर्गीय फुलझाड महाराष्ट्रात एक महत्त्वाचे व्यापारी फुलझाड म्हणून ओळखले जाते.

लांब दांड्यावर टप्प्याटप्प्याने उमलत जाणारी ही आकर्षक फुले फुलदाणीत ८-१० दिवस टवटवीत अवस्थेत राहतात. लाल, गुलाबी, पांढरा, पिवळा, जांभळा अशा सर्व रंगछटा विविध जातीत असल्यामुळे याचा गुच्छ तयार करण्यासाठी उपयोग होतोच, शिवाय कटफ्लॉवर्स म्हणूनही ग्लॅडिओलसची फुले चांगली किंमत मिळवून देतात. भारतातील सर्व मोठ्या शहरांतून तसेच जागतिक बाजारपेठेतही या फुलांना चांगली मागणी असल्याने हरितगृहात याचे उत्पादन घेण्यास खूपच वाव आहे.

महाराष्ट्रात पुणे, सातारा, सांगली, कोल्हापूर, औरंगाबाद, अहमदनगर येथे ग्लॅडिओलसचे मोठ्या प्रमाणात उत्पादन घेतले जाते. कमी कालावधीत अधिक आर्थिक फायदा मिळवून देणारे असे हे फुलपीक आहे

२) अँन्थुरियम : 

आंतरराष्ट्रीय बाजारपेठेत अत्यंत आकर्षक व टिकाऊ फूल म्हणून अँन्थुरियमची खास ओळख आहे. अत्यंत काटक व नाविन्यपूर्ण असे हे निर्यातक्षम फुल युरोपियन देशात विशेष लोकप्रिय असून त्याची मागणी दिवसेंदिवस वाढत आहे. अँन्थुरियमची रोपे सर्वसाधारपणे झाडावर (एपिफायटिकली), कधीकधी खडकावर (एपिलिप्टिकली) किंवा जमिनीवर (टेरेस्ट्रिऑन) वाढतात. अँन्थुरियमची लागवड ज्या माध्यमात करतात त्यात हवा खेळती राहणे आवश्यक असते.

३ ) कार्नेशन :

प्रस्तावना : कार्नेशनची फुले ही हलकी, काटक, हळूवार उमलणारी व काढणीनंतर अनेक दिवस टिकणारी असतात. लाल पांढरा, गुलाबी, पिवळा, जांभळा, शेंदरी, मरुन असे विविध रंग, आकर्षक पाकळ्या, लांब दांडा आणि वाहतुकीनंतरही जास्त दिवस फुलांचा दर्जा टिकून राहण्याची क्षमता या गुणांमुळे निर्यातक्षम देशांमध्ये कार्नेशनच्या लागवडीला गुलाब व शेवंतीपेक्षा जास्त प्राधान्य दिले जाते. यातही जास्त भाव खातात ती पांढऱ्या आणि गुलाबी रंगातील कार्नेशनची फुलं. त्याखालोखाल लाल, पिवळ्या आणि गुलाबी रंगाला सर्वात जास्त मागणी आहे. अमेरिकेसारख्या पाश्चिमात्त्य देशात फुलांच्या लोकप्रियतेत गुलाबानंतर कार्नेशनला पसंती आहे. युरोपियन देशांमध्ये तर कार्नेशनमधील सीम जातींच्या निर्मितीने या फुलाच्या जागतिक व्यापारात क्रांती घडवून आणली आहे. भारतात काश्मीर, लुधियाना, दिल्ली, कुलू व्हॅली, कॅलीम्पाँग, बंगलोर आणि महाराष्ट्रातील पुणे, नाशिक, सातारा, सांगली, कोल्हापूर, चिपळूण, सिंधुदुर्ग, नागपूर, अकोला, अमरावती इ. जिल्ह्यांत कार्नेशनचे उत्पादन घेतले जाते.

कार्नेशन या फुलाचे शास्त्रीय नाव 'डायंथस कॅरिओफायलस' (Dianthus caryophyllus) असे असून ही वनस्पती कॅरिओफायलसी या कुळात मोडते. कार्नेशन हे वाढीसाठी दिवसाचा कालावधी जास्त लागणारे फूलपीक (Quantitative long day plant) आहे.

४) जरबेरा प्रस्तावना :

विविध रंगात व आकारात उपलब्ध असलेल्या जरबेरा या फुलाला आपल्याकडील पंचतारांकित हॉटेलमध्ये तसेच परकीय बाजारात चांगली मागणी आहे. गुलाब, शेवंती आणि कार्नेशनच्या तुलनेत जरबेरा फुलांचा टिकाऊपणा व साठवणक्षमता जास्त असतेच, शिवाय त्यांना तुलनेने 'भाव' ही चांगला मिळतो. हरितगृहातील मातीविरहीत माध्यमात तसेच नियंत्रित वातावरणात जरबेरा या फूलपिकाची लागवड करुन चांगल्या गुणवत्तेचे उत्पादन मिळवता येते.

या फुलाचे शास्त्रीय नाव जरबेरा जेमसोनी (Gerbeara jamesonii) असे आहे. ही वनस्पती सूर्यफुल या कुळात मोडते. जरबेरा या फुलझाडाचे उगमस्थान दक्षिण अफ्रिकेतील ट्रान्सवाल क्षेत्र असून १८८० साली कॅप्टन रॉबर्ट जमसेन यांनी या फुलाचा शोध लावला. १९२२ मध्ये पहिले संकरित जरबेरा तयार करण्यात आले. आज संपूर्ण जगात या फुलाची लागवड केली जाते.

५) गुलाब :

आकर्षक रचना आणि रंगसंगती, मनमोहक सुवास, ७- ८ दिवस चांगल्या अवस्थेत टिकण्याची क्षमता आणि आयुर्वेदिक गुणधर्म या वैशिष्ट्यांमुळे गुलाबाची फुले विशेष लोकप्रिय आहेत. हार, गुच्छ, बागेचे कुंपण, रॉकरी, कुंडीत ठेवण्यासाठी तसेच सुगंधी द्रव्ये बनवण्यासाठी गुलाबाच्या फुलांचा मोठा उपयोग केला जातो. दरवर्षी ६०० दशलक्ष हून अधिक डॉलर्सच्या किंमतीच्या गुलाबाच्या फुलांची विक्री होते. फुलांच्या उलाढालीत हॉलंड हे युरोपियन राष्ट्र आघाडीवर आहे. या देशात जवळपास ५ हजार हेक्टर जमिनीवर बंदिस्त काचगृहात उबदार व दमट हवामान राखून विविध फुलांची शेती केली जाते.

नोव्हेंबर ते मार्च या अतिथंडीच्या कालावधीत युरोपियनदेशात गुलाबाच्या फुलांना मोठी मागणी असते. यावेळेस आपल्याकडील हवामान गुलाबाच्या लागवडीसाठी अतिशय पोषक असते. याशिवाय मध्यपूर्वेकडील तसेच आखाती देशांमधूनही गुलाब फुलांना वर्षभर मागणी असते. ही जमेची बाजू लक्षात घेता हरितगृहाच्या माध्यमातून दर्जेदार आणि निर्यातक्षम गुलाबफुलाचे उत्पादन घेतल्यास परदेशी बाजारपेठ काबीज करण्यास मोठाच वाव आहे.टोकाला. अमेरिकेत अशाचपद्धतीने फुलांचे पॅकिंग केले जाते.

६) शेवंती :

आल्हाददायक मंद सुवास आणि आकर्षक रंगसंगती या गुणवैशिष्ट्यांच्या बळावर व्यापारीदृष्ट्या तसेच प्रदर्शनासाठी गुलाब या फुलानंतर मानाचे स्थान मिळवणारे फूल म्हणजे शेवंती. अमेरिका आणि जपानसारख्या देशात शेवंतीचा पहिला क्रमांक लागतो. 'शेवंती हे जपानचे राष्ट्रीय फूल आहे. उत्तर भारतात शेवंतीच्या लाल आणि निळ्या जातीची तर दक्षिण आणि पूर्व भारतात पिवळ्या व पांढऱ्या जातीची लागवड केली जाते. महाराष्ट्रात अहमदनगर, पुणे, सोलापूर, सांगली, सातारा आणि नागपूर याठिकाणी शेवंतीची नैसर्गिक शेती केली जाते. शेवंतीच्या लांब दांड्यांना फुलांना बाजारात मोठी मागणी आहे.

शेवंती हे बहुवर्षायू फुलझाड असून शास्त्रीय भाषेत त्याला 'क्रिसाँथिमम मोरिफोलीयम' असे म्हणतात. 'कंपोझिटी' कुळातील शेवंतीच्या झाडाला फुले येण्यासाठी अंधाराचा कालावधी आणि तापमान या गोष्टी अतिशय महत्त्वाच्या आहेत. फुले येण्यासाठी सुरूवातीला ९ ते १२ तासांचा अंधाराचा कालावधी लागतो. नंतर हा कालावधी १२ ते १५ तास वाढवावा लागतो.

महाराष्ट्रात हा कालावधी फक्त हिवाळ्यात असतो. त्यामुळे शेवंतीची लागवड कोणत्याही महिन्यात केली तरी फुले मात्र ऑक्टोबर ते फेब्रुवारीमध्येच मिळतात. मात्र हरितगृहाच्या मदतीने वातावरणीय घटकांचे नियंत्रण करुन, खतांचा तसेच संजीवकांचा योग्य वापर विविध अवस्थेत करुन एका वर्षात शेवंतीचे ३ ते ४ वेळा उत्पादन घेता येऊ शकते.\

देशी फुलांची बाजारपेठ (Flowers Market In India)

• १) Mumbai 
• २) Pune 
• ३) Ahmednagar 
• ४) Delhi 
• ५) Lucknow 
• ६) Kolkata 
• ७) Bangalore 
• ८) Channei 
• ९) Hyderabad 

 अणि भारतातील सर्व मोठ्या शहरामधे फुलांची बाजारपेठ आहे।

Flowers Name In  Marati,Hindi  And English मधे  फुलची माहिती आवडली असेल तर नक्की शियर करा,अशीच अजुन नविन नविन माहिती तुमच्या पर्यन्त पोहोचवण्याचा प्रयन्त करात राहिल